Locanda Trivisano

Bar #18: Locanda Trivisano

Grad nebed äm Casinotheater, also dete wo mer sit Ewigkeite bim Hablützel hät chöne go Leder poste, gits sit dem Herbst i dä Locanda Trivisano anstatt Leder feine Wii, Antipasti, Chääs und suschtigi feini italienische Sache.

Es isch also dä perfekti Ort für än feine Apero im italienische Stil oder zum bimne feine Glas Wii und intensive Gspröch z versacke. Für alli die gits spöter au no Dessert (Tiramisu!) und gueti Digestif. Wer sonen Ort i de Stadt bisher vergebens gsuecht hät wird sini Freud dra ha. Empfindliche Gmüeter mags es bitz z luut oder z eng si – aber so isch das halt in Bella Italia.

S’guete dra isch übrigens au: All die feine Sache chan mer dä Tag dur au ganz eifach i dä Markthalle Trivisano (a dä Märtgass 25) go poste.

P.S. s’Servicepersonal wirkt no chli unbeholfe, aber das sei ihne mal verziehe i de erste Phase.

Locanda Trivisano
Stadthausstrasse 121, Winterthur
Tel. 052 202 31 85
Locanda Trivisano uf Facebook
GD Star Rating
loading...
Bar #18: Locanda Trivisano, 4.6 out of 5 based on 5 ratings

Ein Gedanke zu „Bar #18: Locanda Trivisano

Schreibe einen Kommentar

Or