Riva Bar

Bar #19: Riva Bar

Momentan heissts am Egge Steiberggass und Obergass „Riva Bar“, nümä Coccia D’oro und nei, au nümä Spirit. Dine gsehts immer no chli us wie inere Wohnig, was  gmüetlich wirkt und zum verwiile iladet. Vo bequeme Sofa-Stüehl bis hin zu grosse (Ess-)Tisch, alles isch vorhande. Die tüüf Decki, viel Holz(-Bälke) und schummrig-warms Liecht verstärked das wohlige „dihei“ Gfühl zuesätzlich.

D’Getränkeuswahl isch recht umfangriich. Vor allem z’empfehle sind die zahlriche Specials wie de Rudolph (en winterlich-süesse Punch) oder de Hans (en alkoholfreie Drink mit Tonic und Minze), au wänn mer uf die es paar Minute länger als üblich warte muess. Au Wii-Liebhaber findet sicherlich für jedi Stimmig es passends Tröpfli.

Im Summer chan mer übrigens sini Getränk i dä Riva Bar gmüetlich uf dä Steibi usse schlürfe. Und das muen mer definitiv mal gmacht ha.

Riva Bar
Steinberggasse 2, Winterthur
Tel. 052 212 01 03
www.riva-bar.ch
GD Star Rating
loading...
Bar #19: Riva Bar, 4.2 out of 5 based on 5 ratings

2 Gedanken zu „Bar #19: Riva Bar

Schreibe einen Kommentar

Or