salzhaus-sommerbar

Bar #24: Salzhaus Sommerbar

Wie jedes Jahr öffnet s’Salzhuus zum Beginn vo dä warme Jahresziit ihri Summerbar. Dass d Summerbar vo Jahr zu Jahr wachst isch en Bewis vom Erfolg und Aklang, wo die Sach in Winterthur findet.

Au das Jahr häts dä obligati Pool zum iägumpe und zig Sitzmöglichkeite uf allne mögliche Höchene. Das heisst aber no lang nöd das mer chan hocke, vor allem nöd bi schönem Wetter. Dänn muen mer sich nämli es gschiids Plätzli regelrecht ergattere. Wer z spat chunt, dä wird zerst mal chli verlore im Weg ume stah. Aber das isch angesichts vo de tolle Stimmig eifach nur en Asporn, zum nächst mal no chli frühner z cho!

De Asturm a durstige Lüt würkt sich natürli au uf d’Schlange a dä Bar us. Isch mer dänn aber mal vorne aglangt, freut mer sich ab coole Drinks und diverse verschiedene Bier. Damit mer nöd grad sofort wieder muen go än neue Drink hole gits Pitcher-Kübel für sozsäge fascht all Drinks. Gäge de Hunger gits immer öpis guets vom Grill oder au früschi Salatkompositione.

Kurz gseit: I de Summerbar wird jung und alt bi schönem Wetter happy. Einzig wer Mensche-Asammlige scheut isch viellicht nid ganz am richtige Ort.

Untere Vogelsangstrasse 6, Winterthur
www.salzhaus.ch

 

 

GD Star Rating
loading...
Bar #24: Salzhaus Sommerbar, 4.6 out of 5 based on 5 ratings

Schreibe einen Kommentar

Or