plan b

Bar #25: Plan B

Stylisch, aber nid abghobe. Modern, jedoch mit Industrial Touch. Unkompliziert, debi aber immer fründlich… Halb Bar, halb Lounge. A gwüsse (Winter)-Täg sogar e Prise Club. Wandelbar, mit viele Facette, so laht sich s Plan B umschriebe. Denn genau so wie „e perfekti Bar“ ganz vieli unterschiedlichi Gsichter chan ha, hät s Plan B ebefalls meh als nur ei Site. Genau drum isch es en Ort, wo eigentlich immer en Bsuech wert isch. Die innovativ Karte umfasst vieles, was mer nid überall findet. Trotzdem au die grosse Klassiker, wo eifach i jedi guet sortiert Bar ghöred. Au für de chlini Hunger zauberet die chlini Kuchi immer öpis snackigs us em Huet. Im Summer gnüsst mer die Drinks und Häppli gern au i de Outdoor Lounge uf de Rücksite vom Gebäude.

Dass alles so guet zäme passt liegt vor allem au a de Stadtbekannte Köpf hinter em Konzept – und au em Trese . Sie sorged defür,  dass a bester Lag im Pionierpark definitiv en „place to be“ entstande isch. Muss mer in Winterthur eifach kenne. Punkt

Plan B, Zürcherstrasse 7, Winterthur
Tel. 052 203 28 00
www.planb-bar.ch

GD Star Rating
loading...
Bar #25: Plan B, 4.5 out of 5 based on 6 ratings

Schreibe einen Kommentar

Or