alte kaserne bistro

Bar #26: Alte Kaserne Bistro

Frühner hät die alt Kaserne oft zu Techno-, HipHop oder suschtige Beats bebt, hüt sind eher ruhigeri Tön a de Tagesordnig i dem Winterthurer Kulturzentrum. Zudem gits mittlerwil au es eignigs Bistro! I dem gits dänn au alles was mer sich vomene Bistro so wünscht: Selber gmachte Iistee, Apero-Plättli, diversi Bier und sogar än Kaserne-Burger gäbs.

Was es im Bistro au git, sind diversi kulturelli Ableger us de Kaserne. So sind mir bi euisem Bsuech grad i ä Ustellig iägloffe. Da die verantwortlichi Dame grad im ganze Bistro öppis zu dä Usstellig verzellt hät, isch es für nöd grad soooo s’perfekte Plätzli gsi zum euises Bierli trinke. Mir sind dänn vorne use ghocket, und det ischs eigentli sogar no gmüetlich. Irgendwie sogar no gmüetlicher als dine. Det würkts nämli chli „steril“ und „kühl“. Eher passend zumne schnelle Snack am Namittag als zume guete Stammtisch am Abig. Und obwohl moderni Comiczeichnige s Thema vom Abig gsi sind isch de Altersschnitt  nöcher bi Altersheim als Jugendzentrum.

Alte Kaserne Bistro
Technikumstrasse 8, Winterthur

Tel. 052 267 57 80
altekaserne.winterthur.ch/bistro/

GD Star Rating
loading...
Bar #26: Alte Kaserne Bistro, 2.8 out of 5 based on 4 ratings

Schreibe einen Kommentar

Or