bloom

Bar #28: Bloom

I eim vo de wenige 4 Stern Hotel vo Winterthur – em Park Hotel – findet mer d Bloom Bar und Lounge. Wer sich jetzt e verstaubti und verlasseni alti Hotel-Bar vorstellt liegt definitiv falsch.

S Bloom chunt spötestens sit de Renovierig ziemlich modern und stylisch dehär. Bruuni Naturfarbe und übergrossi Blueme-mässigi  Muster präged s Erschinigsbild im Innere. Dusse chan mer im Summer wunderbar unter em alte Baumbestand vom agrenzende Park im Halbschatte sitze. Musig lauft fast immer, mal live und mal ab Konserve, isch aber nie störend.

Wer möcht es Bierli zwitschere, es Gläsli Wii nippe, paar Nüssli oder chlini Snacks vertilge und dezue in ungstörter Atmosphäre rede isch da ziemlich richtig. Au will die verschiedene Sitzplätzli teilweis chli abgschirmt sind und sichs so wunderbar i chliner oder grösserer Gruppe „lounge“ laht.

Restaurant/Bar Bloom
Stadthausstrasse 4, Winterthur
Tel. 052 265 03 65
www.bloom.ch

GD Star Rating
loading...
Bar #28: Bloom, 4.0 out of 5 based on 7 ratings

Ein Gedanke zu „Bar #28: Bloom

Schreibe einen Kommentar

Or