Banana City Bar

Bar #29: Banana City Bar

Zu jedem aständige Hotel ghört au ä Hotel Bar. Genau so isch es natürlich au im wohl gröschte Hotel z’Winti, dä berüehmte Banane. D’Atmosphäre entspricht dänn würklich au öppe genau dem wo mer erwartet: Es isch schön igrichtet, eigentlich no gmüetlich, trotzdem irgendwie steril und anonym. Normal luut rede isch au nöd so agebracht, also, mer chan scho, bricht dämit eifach die herrschend Totestilli…

D’Getränkecharte isch klassisch, wobi’s sicherlich dä Banane-Shaqiri, ääääh, Banane-Daiquiri, usezhebe gilt. Dä seig nämlich ihri Spezialität, häts irgendwo im Netz gheisse. Fein isch er definitiv. Mir sind euis aber nöd so würklich sicher gsi ob s’Personal au weiss, dass das ihri Spezialität isch. Zumindest dütet dä ratlosi Blick bi dä Bstellig und die aschlüssende 15 Minute Warteziit ehner nöd so druff hi 🙂 D Chips wo dezue greicht werded händ d Stimmig aber rasch wieder aghobe.

Fazit: Chan mer mal mache, aber es isch und blibt halt ä klassischi Hotel Bar. Was däfür no spannend tönt isch dä Banana City Sunntigsbrunch (immer am erste Sunntig im Monet), dä müest mer sich glaubs au mal gä.

Schaffhauserstrasse 8, Winterthur
Tel. 052 268 16 16
www.bananacity.ch/restaurant/bar/

 

GD Star Rating
loading...
Bar #29: Banana City Bar, 2.8 out of 5 based on 4 ratings

Schreibe einen Kommentar

Or