plaza bar

Bar #30: Plaza Bar

Erst grad im Januar 2016 früsch eröffnet bütet s Plaza nebst über 30 Hotelzimmer au es Restaurant und e Bar am Rand vo de Winterthurer Altstadt.

Früsch wirkt au s Design in Bar und Restaurant, mit paar tolle Idee und gelungenem Farbkonzept. S krasse Gägeteil, nämlich stickig, isch d Luft i de eigentliche Bar. Die isch nämlich komplett als Fumoir ghalte, was zahlrichi Raucher au mit ordentlich Qualm im separierte Ruum danked. Für alli Nichtraucher – und selbst d Raucher i eusere Gruppe – ischs hingäge es absoluts No-Go gsi sich em blaue Dunst derart uszsetze.

So bliebt denn nur de chlini Bar-Trese im Restaurant als Alternative. D Karte bütet e Fülli a Cocktails und de kommunikativi Bartender isch au gern bereit spontan nid-ufgführti Drinks z mixe. Vom Standard Aperol, zu Erdbeer Mochito oder emne Capririta isch eus alles herrlich d Kehle abe gflosse. No paar Nüssli dezue und mer isch eigentlich happy. Als Gruppe isch d Hühner-Formation in Reih und Glied am Bar-Trese aber halt scho nid grad es gmüetlich.

Schad, so wird d Bar vermuetlich trotz guete Asätz glich primär vo de Hotelgäst bsuecht werde – oder abghärtete Raucher.

Plaza Bar, Restaurant & Hotel
Technikumstrasse 12, Winterthur
Tel. 052 212 15 15
http://plazahotel.ch/restaurant/

GD Star Rating
loading...
Bar #30: Plaza Bar, 3.0 out of 5 based on 3 ratings

Schreibe einen Kommentar

Or