les wagons

Bar #31: Les Wagons

Im Dunstkreis vom Sulzerareal findet mer ja bekannterwis immer wieder innovativi Idee und Plätzli absits vo de Alltags-Norm. So au d Bistro-Bar „Les Wagons“, wo am Lagerplatz wie e chlini Zitmaschine nebe de Bahngleis staht.

Les Wagons, das isch en Alte Trieb-, Persone- und Gepäckwage vo de Üetlibergbahn, baut i de 20er Jahr und über vieli Jahrzehnt am Zürcher Huusberg im Isatz. Nach de Usmusterig und emne Ufenthalt im Verkehrshuus heted die schmucke alte Wäge sölle igstampft werde. Doch stattdesse händ sie de Weg uf Winterthur gfunde, wo sich die beide Betrieber ihren Gastro-Traum erfüllt händ.

Restauriert und umbaut chan mer i de alte Wäge und uf em überdachte Perron vorne dra jetzt feini Drinks gnüsse, Apéro Häppli, zMittag und eimal i de Wuche sogar zNacht esse. Uf de Karte findet mer e Vielzahl recht spezieller Getränk, segeds Drinks „us de Apothek“, Heldesäft oder lokali Bierspezialitäte.

Mer sitzt zwar nid unbedingt wahnsinnig bequem uf de alte und relativ enge Holzbänkli, aber defür risst eim d Location für kurzi Zit bitz us em Alltag. Es Bijou.

Les Wagons
Lagerplatz 17a, Winterthur
Tel. 052 508 50 17
http://www.leswagons.ch/

GD Star Rating
loading...
Bar #31: Les Wagons, 4.2 out of 5 based on 5 ratings

Schreibe einen Kommentar

Or