caledonian inn

Bar #33: The Caledonian Inn

S’Caledonian Inn isch dä Bewiis däfür, dass es sit Endi 2011 tatsächlich au wieder me als eis Pub git in Winti. Schottisch sölls si, nöd Irisch.

Es hät dänn au alles was mer sich vomene Pub verspricht: Bier, Bier, Bier und salzigs Esse (Burger, Nachos, Wings, usw.). Und natürlich Fernseh wo Sport lauft. Igrichtet isch es schön, im typische Pub-Stil.

Für es Bierli chan mer sicher nüt falsch mache mit äm Caledonian. Einzig d’Laag isch nöd grad optimal, irgendwie gaht dä Teil ganz obe a dä Altstadt nämli gern chli vergesse wänns drum gaht irgendwo eis go z’schnappe – gfühlt isch mer dete nämli nümä i dä Stadt, obwohl mers eigentli ja no isch.

General-Guisan-Strasse 19, Winti
Tel. 052 536 08 90
www.the-caledonian-inn.ch

GD Star Rating
loading...
Bar #33: The Caledonian Inn, 3.3 out of 5 based on 4 ratings