manta-bar

Bar #36: Manta Bar Bahnhofplatz

De Name Manta Bar isch so ziemlich jedem Winterthurer en Begriff. Schliesslich gits mittlerwil 3 «Filiale» in Winti plus eini im Glatt-Zentrum.

Eigentlich kennt mer d Manta Bar ja vor allem für ihri Sandwich und dass sich die neust Filiale usgrechnet im Postgebäude am Bahnhofplatz befindet hilft jetzt au nid grad debi genau dä Lade als «Bar» im eigentliche Sinn z verstah und als bevorzugte Platz für es Fiirabig Bier z positioniere. Wer sich aber doch muetig det hi begit dörf sich i bequemi Lounge-Sessel falle lah, findet es erstuunlich breits Agebot a z’Esse (vo Häppli bis zu Richtig) und z’Trinke (vo Coci über Bier zu Cocktails) und isch irgendwie z Mal wit weg vom Rummel und em alltägliche Überlebenskampf zwüsche Fuessgänger und Büss dusse uf em Bahnhofplatz.

Zum Drink gits Nüssli dezue, was de Manta Bar eidütig scho mal en Pluspunkt ibringt. D Bedienig isch irgendwo zwüsche forsch und herzlich, mal so mal so, aber unter em Strich tip top.

Wer bim Fiirabig-Drink möcht chöne gmüetlich mitenand rede und lieber imne gmüetliche Sessel sitzt als uf emne Barhocker dem wirds da gfalle. Und wenn mer grad no muss es Päckli uf d Post tue oder aschlüssend uf de Zug muss gits wohl sowieso kei besseri Location.

Manta Bar Bahnhofplatz
Tel. 052 212 43 30
http://www.manta-bar.ch/

GD Star Rating
loading...
Bar #36: Manta Bar Bahnhofplatz, 3.8 out of 5 based on 4 ratings

Schreibe einen Kommentar

Or