Churz vor dä Autobahn Ifahrt Töss, sprich am üsserste End vo Winti, staht d Billabong Sport & Music Bar.

Im Normalfall laht sichs entspannter Bier trinke, wenn mer aschlüssend chan hei laufe. Sicher besser als Gfahr z laufe sich 10 Sekunde nach em losfahre mit em Auto scho direkt inere Polizeikontrolle z befinde oder falsch ume uf d Autobahn z fahre. Drum sind mir da bisher au no nie ikehrt. Eigentlich schad, will an sich hät sich s Lokal als schwer ok use gstellt.

Umgä vo Fuessball sowie Hockey Trikots und Sport zeigender TV Bildschirm chan mer nämlich nid nur guet Bierli kippe, sondern au no Cordon-Bleu und dergliche esse. Das händ mir zwar nid probiert, aber am Nebetisch gseh. Falls dihei also mal Stunk häsch, de Fernseh am Champions-League Abig vo «Shopping Queen» bsetzt wird, denn isch s Billabong definitiv e Option.

Billabong Music Bar
Zürcherstrasse 260, Winterthur
https://www.facebook.com/RestaurantBillabong/