lacyma

Bar #41: La Cyma

Am obere Endi vo de Altstadt und somit scho bitz abseits vom grösste Flanier- und Ikauftstriibe findet mer mit em La Cyma es gmüetlichs Plätzli für en Kaffi (tagsüber), es paar gueti Drinks (am Abig) oder – man staune – zum d Haar schniide oder de Bart stutze 🙂

s La Cyma isch nämlich nebe Bar und Kaffi au no en Frisörsalon (nach Terminveribarig). I de Mitti vom Lokal prangt de Bartrese, rund ume findet sich nebst chline Tischli au es paar grossi Tafle, wo sich schnell mal alles vom Student bis zum Künstler a eim gmischte Tisch vereint. Vorne usse steched die grosse alte Holztisch is Aug, wo mer eigentlich immer no es Plätzli findet zum sich dezuegselle und sis Bier a de früsche Luft z gnüsse.

Wer unkomplizierti Lüt, Bedienig und e abwechsligsriichi Karte mit paar usgfallne und hochwertige Getränk gnüsst, dä chönt im La Cyma es Lieblingsplätzli finde.

La Cyma, Neustadtgasse 1A, Winterthur
https://www.la-cyma.ch/

GD Star Rating
loading...
Bar #41: La Cyma, 4.3 out of 5 based on 6 ratings

Schreibe einen Kommentar

Or