Bar #42: Café Roman

Bitz usserhalb vom Zentrum a de Frauefelderstrass findet mer s Cafi Roman, wo scho sit em letschte Jahrhundert en fixe Bestandteil vo Oberi isch. Wer oft mit em Auto dur Winti fahrt häts vermuetlich scho Tusig mal gseh und trotzdem nid so richtig wahr gno.

Ufdränge tuet sichs Cafi Roman optisch nid, isch liecht i de Zit stah bliebe und unschinbar, aber trotzdem staht d Türe immer offe. Es isch es bitzeli die Eierlegend-Wollmilchsau unter de Restaurationsbetrieb: Im Winter guet für en Kaffi, im Summer für en Glace Coup, am Mittag öpis unkomplizierts und Schnells, am Fiirabig es Bier. Ganz 90er Style stönd d Nussgipfel unter de Plastik-Huube uf de Theke. Mängisch flimmeret sogar Sport über de Bildschirm…

Es chan alles, aber irgendwie halt au nüt überragend guet. Fründlich sinds, günstig au. Aber warum genau dass mer extra det ane söll weissi halt au nid. Viellicht wenn mer grad e Panne hät bim us de Stadt fahre, oder de Postisack bim heilaufe risst.

Café Roman
Frauenfelderstrasse 76, 8404 Winterthur
052 242 37 98
http://www.cafe-roman.ch/

 

GD Star Rating
loading...
Bar #42: Café Roman, 2.5 out of 5 based on 2 ratings

Schreibe einen Kommentar

Or