Kategorie-Archiv: Allgemein

Bridge Pub

Chnelle #10: Bridge Pub

Wo Bridge Pub druff staht, mues nid unbedingt Pub drin si. Was aber gar nüt schlechts heisse söll. Amerikanisch igrichted, amerikanisch au d’Charte. Au bim Bier, Coors Light und so. Händ alli än Burger bstellt, hät au paar wo zur Uswahl stönd. Gross isch wohl jede vo dene. Drin ha chasch alles. Speck, Chääs, Röstzwieble, Zwieble, Gurke, Tomate, Coleslaw und ja, au Spiegeleier. Mir sind alli begeisteret gsi. Au wänn dä Burger für die einte hetti chöne bizli heisser si. Däzue häts Härdöpfel-Waves gä. Nöd so wave-ig, däfür aber au sehr guet, mit Gwürz dra und so. Gueti Sach gsi. Und es wird wohl chuum dä letschti Burger gsi si wo mir det gesse händ.

Update: Leider hät s’Bridge Pub per Endi Februar 2015 sini Türe gschlosse.

Bridge Pub
Römerstrasse 71, Winterthur
Tel. 052 243 33 77
www.bridge-pub.ch