sanook

Chnelle #21: Sanook

Stadtuswärts richtig Oberi findet mer chli unschiinbar zruggversetzt vo dä St. Gallerstrasse s’Thai-Restaurant Sanook. Zum Glück blinkets ordentlich i allne LED-Farbe, suscht het mer no s Gfühl es seg e stillgleiti Tankstell. Eigentlich häts aber überhaupt kein Grund sich z’verstecke, drin wartet nämli es schöns und gmüetlichs Ambiente. Und das obwohl s Sanook zu spöter Stund am Weekend zumne Karaoke Club mutiert. Respekt zu dem glungene Resti-Club Spagat! Zum glinge biträge tüend z.B. grossi Fernseh wo so quasi als ufghänkti Bilder diened, zeiged werded dete nämli farbintensivi Unterwasser-Tier-Ufnahme und suschtigi cooli Sache.

Au d’Menü-Charte isch zimli schön gstaltet und hebt sich also recht vo dä suscht ja oft übliche komisch-designte-und-chläbrige Charte i Thai-Restis ab. Gesse wird dänn natürlich zerscht mal ä Früehligsrolle. Die wäred sicher fein gsi, aber gschmöckt hämmer wie immer bi Früehligsrolle nöd viel, nach äm erste Biss isch s’Muul ja eh verbrennt.

Egal ob Poulet Masaman (Curry mit Herdöpfel & Zwible) , Pad Nam Man Hoi (Austeresauce & Gmües), Pad Krapau (Chili & Basilikum) oder Phat Praew Wan (dä Süess-Suur Klassiker), alli Hauptspiese wo mer gha händ chömmer restlos witerempfehle.

Spezielle z’erwähne gits no dä Pla Thod Samun Play: Das isch än fritierte Fisch mit jenes Zügs (Zwieble, Chili, usw.) rundume. Dä gseht nöd nur eifach sehr schön agrichtet us und schmöckt fein, sondern füüred also in punkto schärfi au no guet eine na 🙂

Alles i allem isch s’Sanook für euis alli ä Thai-Neuentdeckig in Winti und öppis wo mer au bimene nöchste Mal wohl anderne Typisch(e) Thai Restis würdi vorzieh.

Sanook
St. Gallerstrasse 27, Winterthur
Tel. 052 212 91 91
www.sanook.ch
GD Star Rating
loading...
Chnelle #21: Sanook, 4.4 out of 5 based on 5 ratings

Schreibe einen Kommentar

Or