silberkeller

Chnelle #27: Silberkeller

Es Reschti zmitzt i dä Steibi wo mer nöd so kennt? Das chan doch eigentli gar nöd si. Aber das mer dä Silberkeller nöd so kennt, liit wohl vor allem da dra, dass er nur jeweils vo Oktober bis März offe isch.

I dere Ziit lohnt sich aber än Bsuech definitiv! Imene schöne und gmüetliche Altstadt-Cheller serviert nämli d’Familie Zeugin klassischi Mami-Chuchi, und das zu Spottpriise. D’Charte isch zwar chlii, aber simmer ehrlich, bruchts dänn no me wänns zur Vorspies es Chääs-Fleisch-Plättli und zum Hauptgang Hackbrate mit Härdöpfelstock git?

Au wänn dä Ruum villicht mit Bänk und Tisch us dunklem Holz no gmüetlich wär oder d’Dessert-Uswahl au öppis anders als Glace beinhalte chönti, euis häts gfalle. Chan mer also definitiv mal mache!

Restaurant Silberkeller
Steinberggasse 26, Winterthur
Tel. 052 212 94 14
www.silberkeller.ch

GD Star Rating
loading...
Chnelle #27: Silberkeller, 3.8 out of 5 based on 4 ratings

Schreibe einen Kommentar

Or