jack&jo

Chnelle #32: Jack & Jo

Im ehemalige Bahnhofbuffet gits sit äm Früehlig 2015 dä Jack & Jo. Vom Agebot her blasts is Horn vo dä überall ufkommende Fastfood-Revolution, so schribt er sich dänn au „Slow Fast Food“ uf d’Etikette. Also sind d’Burger, dä Salat, d’Härdöpfeli für d’Fritte, dä Chääs und natürlich au s’Bier alli us dä Region. D’Brötli werded sogar täglich selber im Jack & Jo gmacht.

Es git a die 8 veschiedeni Burger-Variatione zur Uswahl, däzue ebe Fritte oder Salat. Natürlich hät die regionali Note aber au sin Priis, für än Burger, Pommes und Getränk leit mer nämli scho schnell mal 25 bis 30 Stutz ane. Die Hamburger wo mir gha händ sind ganz guet gsi, aber dänn halt au nöd me. D’Fritte hingege händ chli z’Wünsche übrig la. Zum Dessert gits verschiedeni Gebäck zur Uswahl, die sind eigentli ganz guet.

Chan mer mal mache, aber isch jetzt für euis nöd „dä Burger vom Lebe“ gsi. Gspannt si dörf mer sicher au wie sich dä chürzlich a dä Obergass izogeni Konkurrent (Holy Cow) im Verglich zum Jack & Jo schlaht.

PS: Dä wo bi dä Namensuswahl bim Vorschlag Jack & Jo gfunde hät „Oh, super Idee, es git no nüt wo ähnlich heisst!“ sött dringend mal go neui Chleider poschte, mir hetted suscht au scho än Vorschlag i wellem Lade…

Jack & Jo
Bahnhofplatz 7
Tel. 044 542 86 66
www.jackandjo.ch

GD Star Rating
loading...
Chnelle #32: Jack & Jo, 3.3 out of 5 based on 4 ratings

Schreibe einen Kommentar

Or