kozmangal

Chnelle #40: Köz Mangal

Direkt bi de Autobahn Ifahrt Töss strahlt s ehemalige Steigmühli Gebäude sit paar Jahr wieder i modernem Grau. Nebst Wii-Handlig und 1-2 andere gwerbliche Lokal isch das au s dihei vom «Köz Mangal», emne Anatolisch/Orientalische Restaurant spezialisiert uf Holzkohle-Tischgrill.

S Ambiente drin isch erstunlicherwis eher nüchtern und chli kalt, ganz im Gegesatz zu de Sitzplätz rund um d Holzkohle-Grill-Tisch. Wenn d Kohle nämlich erst mal vor eim glüht und die riesig Abzugshuube über em Tisch afangt brumme, wirds heiss und luut. Archaisch gahts au witer, wenn de Maa d Platte mit Kalb, Lamm, Rind, Güggel und Gmüess uffahrt. In Eigeregie brutzlet und faucht alles uf em Rost vor sich hi, und mer isch usglastet mit à discretion ine-biige und Fleisch umdrehe. Abgrundet vo diverse Sose und Bilage isch alles vorhande, was en glatte Männerabig usmacht. Sogar usfahrbari Riese-Gable 🙂 Qualität und Priis stimmed au.

Einzigs Minus isch de Service gsi, wo eus leider de ganz Abig ziemlich vernachlässigt hät. Da wär definitiv meh drin gläge.

Köz Mangal
Zürcherstrasse 322, Winterthur
https://koezmangal.ch/

GD Star Rating
loading...
Chnelle #40: Köz Mangal, 4.0 out of 5 based on 2 ratings

Schreibe einen Kommentar

Or