Chnelle #43: Tom Yam

Mit breitem Lache uf em Gsicht und enere thailändische Begrüessig wird mer im Tom Yam a de Frauefelderstrass herzlich begrüesst.Au d Irichtig verströmt e gwüssi Wärmi und mer fühlt sich uf Ahieb wohl. Alles isch eifach ghalte, aber «im Schuss».

D Menükarte isch chli und übersichtlich, hät aber trotzdem für jede öpis debi. Zur Vorspies gits diversi Leckereie us de Fritös sowie leckeri Thai-Suppe und zum Hauptgang Curry Variante oder Nudel / Riisgricht. Gschmäcklich intensiv und lecker, somit sind bi eus alli restlos z friede gsi. Tönt jetzt irgendwie grausam unspektakulär, aber meistens isch unspektakulär und defür guet halt eifach besser als viel Wind um nüt.

Wer Lust uf feini Thaikuchi zu super Pris-Leistigsverhältnis hät und bevorzugt mit em Auto möcht zum Restaurant fahre macht mit em Tom Yam lles richtig! ความกระหายที่ดี!

Tom Yam
Frauenfelderstrasse 102, 8404 Winterthur
052 202 83 58
http://www.tomyam.ch/

GD Star Rating
loading...
Chnelle #43: Tom Yam, 3.7 out of 5 based on 3 ratings

Schreibe einen Kommentar

Or