Schlagwort-Archiv: Grossi Charte

sanremo

Chnelle #9: Ristorante & Pizzeria San Remo

Geografisch isch s’San Remo irgendwo zwüsched Banane und Spital. Manne-Rundene willkomme. De Chef het zwar lieber attraktivi Fraue. Hübsch isch au s Ambiente: Wissi Tischtücher, dunkle Parkett, warmi Farbe, viel Pflanze. Menü-Karte riese gross, nüt für Lüt wo sich nid chönd entscheide. Pizza. Pasta. Suppe. Tageshits. Salat. Huusspezialitäte. Cordon-Bleu. Früschi Fisch (Do-Sa). Fleisch vom heisse Stei. Gaht endlos witer. Vermuetlich drum kei Platz meh gha i de Kuchi für Salz, das hät nämlich überall chli gfehlt. Sucht ganz ok. Begeisterigsstürm hät aber erst s Tiramisu usglöst: WELTKLASS! Das allei rechtfertigt es wiedercho. Und au de Limoncello zum Abschluss. De Rest nur bedingt. Weiss au nid wieso. Funke hät nid so recht welle springe.

Ristorante & Pizzeria San Remo
Brunngasse 35, Winterthur
Tel. 052 223 09 09
www.san-remo.ch

 

Restaurant Harmonie

Chnelle #7: Harmonie Western Saloon

Schöne Western Saloon, Harmonie pur sozsäge. Me z’büte als mer vo usse meint. Mer seit i dä Fasnachtsziit heiger sogar no me z’büüte. Gueti Uswahl ufere grosse Charte. Fairi Priise. Ungefähr 3kg vo dem Samichlaus-Nüssli-Zügs wo uf äm Tisch glege isch zur Vorspies gesse. Nachher sehr feins Fleisch. Au wänns nöd grad 850g hetted müese si. Chli viel gsi. Drum nachher hei grugelet.

Restaurant Harmonie
Ulrich Hegner-Strasse 2, Winterthur
Tel. 052 202 27 15
www.western-saloon.ch