Schlagwort-Archiv: Im Chäller une

Old Timer Winterthur

Bar #17: Old Timer Bar

Die gueti alti Old Timer Bar isch wohl eine vo dä Klassiker in Winterthur. Allei scho wege dä wunderbare grüene Lüchtschrift dusse. Dine isch es dänn schön, also zumindest würkli schöner als mer sichs vo usse vorstellt. Alti Schiffsbar Atmosphäre liegt i de Luft – wo zumindest im Untergschoss sehr rauchgschwängeret dehärchunt. Irgendwie hät mer au immer bitz s Gfühl, jetzt chönt denn grad öpis unerlaubts oder zumindest unanständigs passiere. D’Frau am Trese isch aber sehr nett, nid nur will sie d’Gläser grosszügig voll macht.

Mer seit sich übrigens, dass es erst tüüüüüf i dä Nacht dänn so richtig guet und kultig werdi im Oldies. Wer also mal nöd weiss wo er mal nach äm Usgang sis (immer unnötige aber trotzdem sehr feine) Schlumi-Bier söll go nä, im Old Timer sind er sicher willkomme.

Old Timer Bar
Wülflingerstrasse 18, Winterthur
Tel. 052 222 96 92
www.oldtimer-bar.ch