Schlagwort-Archiv: Mexikanisch

elburritofeliz

Chnelle #12: El Burrito Feliz

Uf de erst Blick isch El Burrito Feliz optisch nid grad e Perle. Sehr Basic. Wird aber mit de Zit cheibe gmüetlich. Mexikanischi Kuchi. Authentisch. Nid wie bi Tres Amigos und Co (ganz wichtig!). Starte tuet mer am Beste mit „Bring eifach mal chli vo allem“ zum Teile als Vorspies. Tortillas mit verschiedener Füllig, Mole, Frijoles Negros Bohne-Züg, alles debi was mer so kennt (oder ebe au nid). Nacher Burrito. Und Huevos Rancheros (no besser als die vo de Berta). Quesadillas. Alles top! Zum Dessert gits Turte „halt so wie d’Kuchi sie macht“. Was es isch weiss mer nid. De „Kellner“ au nid. Fein isch sie trotzdem. D’Tequilla Rundi brucht denn Ziit. Und isch ä Gruppearbeit vom Burrito Feliz Team. Wie fast alles. Gastro Profis sinds nid, aber authentisch, ehrlich, und eifach guet!

Tip: Hät no es netts Plätzli zum dusse hocke. Also im Summer denn…

El Burrito Feliz
Schützenstrasse 10, Winterthur
Tel. 076 488 84 96
El Burrito Feliz uf Facebook