Schlagwort-Archiv: Schnäppli

restaurant breite

Chnelle #15: Restaurant Breite

S’Füür vom Grill vom Restaurant Breite hät bis zum Minigolf übere gschmöckt. Grill-Züg isch aber dänn leider au s’einzig wo’s uf dä Charte hät. Dä Buumä het also dä Plausch ab dä Überschaubarkeit vom Agebot. Mir ehner weniger und Vegetarier mal sowieso grad gar nid (guet, das chan au unmöglich euses Problem si). S’Plättli zum vorus mit Chääs, Schüblig, Chnobli-Salami und Güx isch dänn aber sehr fein gsi. Genau so wie au dä Burger (ohni Bönn!) mit Chrüterbutter oder s’Schwiinsplätzli mit knackig-salzige Fritte däzue. Allzu viel fröge sött mer d Frau aber nid. Das bringt sie us em Konzept und macht eim sowieso nid schlauer.

Restaurant Breite
Breitestrasse 65, Winterthur
Tel. 052 232 75 31
bellevue

Chnelle #14: Restaurant Bellevue

Grad nebed äm Igang vo dä Schützi liit s’Restaurant Bellevue. Hät es netts Gärtli under dä Bäum. Chönt mer aber sicher viel me drus mache. D’Charte isch Italo-Standard: Pizza und Pasta  (wo dänn au beides guet gsi isch) gfolgt vo Fleisch Klassiker und es paar „must haves“ wie Cordon Bleu oder Wurst-Chäs Salat. D’Minestrone und dä Tomate-Mozzarella-Salat händ schwer Luft nach obe gha, genau so wie dä garnierti Wurst-Chääs-Salat. Besser mer bliebt bi Pizza und Pasta – isch nämlich denn au super günstig. Als Dessert häts es „huusgmachts“ Tiramisu gä. Dass das tüüfgfrore serviert wird und s „Huus“ wohl eher e „Fabrik“ gsi isch hät euis leider niemert gseit. Schaad. Händs dänn nid fertig gesse.

Restaurant Bellevue
Wartstrasse 35, Winterthur
Tel. 052 212 68 64