Schlagwort-Archiv: Urchig

hermannseck

Chnelle #30: Restaurant Hermannseck

Vo usse isch s Hermannseck definitiv keis Highlight, wirkt die liecht schäbig Fassade doch würklich nid sonderlich iladend. Rein optisch folgt au im Innere nöd unbedingt e positivi Überraschig. Stammtisch links, Holztisch rechts, en alte Vorhang zur Kuchi gradus: Nüt wo s Herz im positive Sinn schneller schlah laht. Die netti Begrüessig dur s Servicepersonal denn scho eher. Continue reading

Restaurant Walliserkanne

Chnelle #11: Restaurant Walliserkanne

Än Klassiker, gits irgendwie i jedere Stadt. Euisi Channe z’Winti isch uf jede Fall ä gueti! Bim inecho sticht s’viele schöne dunkle Holz sofort is Aug. I d’Nase sticht vor allem dä omnipresänti Fondue und Raclette „Duft“. Stadtguet als Offebier sorgt für en guete Start. Än Bündnerteller zur Vorspies au. Zur Uswahl stönd suscht no Cordon Bleu, Fleisch und diversi Spätzli-Pfanne. Sattelfest und fein isch wohl alles dävo. Gnueg isch es au. Looocker! Und suscht gits ja no Öpfelchüechli mit heisser Vanille-Creme. Nachher gahts also z’friede hei. Mindestens zum schnell go d’Kleider wechsle.

Restaurant Walliserkanne
Steinberggasse 25, Winterthur
Tel. 052 212 81 71
www.walliserkanne-winterthur.ch